بیر گون وارایدی بیرگون یوخودو تانری دان سونرا کیمسه یوخودو."هئچ آذرگون درگیسیده یوخودو" باغیشلایین بیر آز ئششک وارایدی بیرآزدا آری. بیر گون بو ئششک لرین بیریسی یونجالیقدا گزیردی هرده­ن بیرآزدا یونجالاردان یئییرده، قضادان آریلارین بیریسی یونجالارین اورتاسیندا اوتورموشده، ائله بو ئششک آغزین آچیب یونجانی یئینده آری گئدیر بونون آغزینا ،یازیق آری قورخوسوندان بوئششکین آغزین سانجیرکی چیخیب قاچسین . بوئششکین آغزی شیشیر،اینجیر،چیغیر-باغیرسالیر( آنقیریر)گئدیر بوآرینین دالیسیجایئتیشیر ائولرینه چوخ های سالاندان سونرا آریلارین بویوکو(ملکه) چیخیردئییر نه های سالیبسان ئششک آ . ئششک دئییر سیزین آریلاردان بیریسی یونجالیقدا منیم آغزیمی سانجیب اونو گره­ک اؤلدورم. ملکه سربازلارینا دستور وئریر گئدیرلر او آرینی گتیریرلر.آریدان سوروشور گئدیش نمنه­دی، آری آچیر دئییر.قورتاراجاق ملکه اوز دؤنده­ریر ئششکه اولسون سیز باغیشلایین گئدین من بو آرینی تنبئه ائدرم.آما بوئششک یئنه های سالیرکی اولماز اونو گره­ک اؤلدوره­سیز.ملکه بیرآزفیکره گئدنن سونرا سربازلارا دستور وئریر اونو اعدام ائله یین. یازیق آری اوز    دونده­ریرملکیه دئییر ملکه به سن نیه آخی منیم سوچوم اونون آغزینی      سانجماق­ایدی؛گره­ک اؤلم .ملکه­نین گؤزلری دولور دئییر یوخ بالاسنین حاققین اؤلمک دئییرآما چون ئششک­ایلن طرف اولوبسان گره­ک اؤله­سن . بورداکیمسه ئششک­ایلن طرف اولسا  حاققی اؤلمک­ دی. یازیق لار اولسون آریه.

 سو دئيبدير منه اولده آنام آب كي يوخ
يوخو اويره تدي اوشاقليقدا منه خواب كي يوخ
ايلك دفعه كي چوره ك وئردي منه نان دئمه دي
اوليندن منه دوزدانه نمكد ان دئمه دي
آنام اختر دئمييبدير منه اولدوز دئيب او
سو دوناندا د ئمييب يخدي بالا بوز دئيب او
ال دئيب، دست دئمييب برف دئمييب قاردئيب او
منه هئچ وقت بيا سويله مييب گل دئيب او
ياخشي خاطيرلاييرام يازگوني آخشام چاغيلار
باغچانين گون چيخانيندا كي ايليق گون ياييلار
او دئيردي كي گل باشيوي دارييم اي نازلي بالام
گلمه سن گر باجيوين آستاجا زولفين دارارام
اودئمه زدي كي((بياشانه زنم بر سر تو))
(( گر نيايي بزنم شانه سر خواهر تو))
بلي قارداش داش ياغسادا گويدن سن اوسان منده بويام
وارسنين باشقا آنان واردي منيم باشقا آنام
اوزومه مخصوص اولان باشقا ائليم واردي منيم
ائليمه مخصوص اولان باشقا ديليم واردي منيم
ايسته سن يولداش اولاق بير ياشيياق بيرليك ائده ك
وئريبن قول قولا بيريولدا گئده ك
اولاً اوزگه كولكلرله گره ك آخميياسان
ثانياً  ائليمه ، وارليغيما خور باخميياسان
ايسته سن زور دئيه سن، ملتيمي خوارائده سن
گون گئده ر، صفحه چونر مجبور اولارسان گئده سن

قدیم­دن بو پول سئون اینسانلار دئییردیلر پول موشکولاتی اریدن­دی. پولون اولسا هرایش گؤره بیلرسن هرنه ایسترسن اونا چاتارسان داها اوقدَر بو پوللارا اوز وئردیلرکی یئنی چاغدا پول­ایلن حاققی دا ناحاق ائدیرلر.هله اونلار قالسین !تازالیقدا پوللارینان بعضی یاساق لارین اوستون اؤرتمک اولور؛ نئجه کی شهریمیزین بیر پارا خییاوانلارینداکی ماشین گئت- گلی چوخ اولور اونلاردا قویماییرلار ماشین ساخلاسین. بله بویاخچی ایشدیر آما بیرتعداد "شبه راهنمایی مامورلاری" دورورلار،ساهاتی 200تومن آلیب ساخلاماقا یجازه وئریرلر.آللللللله ایشلرین راس گتیرسین هله ماشین ساخلاماقی قویورلارکی هئچ فرمان دا وئریرلر. بورا یاخچی دی، هله ائشیتمیشم تهران شهرینده  پروتکا کونترولونون تاساری     (طرح کنترل ترافیک ) زوج وفردایله قویوبلار؛اولسون بودا یاخچی ایشدی آما بوحئسابینان گره­ک بو طرحیدن بویانا شهرده ماشین یاری اولایدی به نئجه اولدو ائله هامان آش- هامان کاسا اولدو . عرض اولسون قوللوغوزا شهرده بیر نئچه دانا باجه لر قویولوب او گونلرکی مثلا:فرد عددلی شوماره­ده ماشین لار اشیکه چیخمایاجاق 5-10مین تومن آلیب یجازه وئریرلر شهرده دولانسین . بوندان اؤنجه دئدیم­کی پول موشکولاتی اریدن دی اینانمادیز. آخی دیین یوخدو اَیر بوشولوغ خییاوانلاردا ماشین ساخلاماق یاساقدی یا زوج اولان گون فرد شوماره ماشینلارین اشیکه چیخماسی یاساقدی به نجور پول آریه گلنده یاساق اولمور؟

منه­ده دیین یوخدو بو علامت سوالی نیه قویوبسان ؛آخی بونون جاوابین کیم وئره­جک اولمایا صیاد وئره­جک یافرهاد یوخسا گول بادام .

هئچ دیین یوخدو نیه دئییرسن کیمه دئییرسن .

هئج دیین یوخدو سنه یاخچیلیق گلمه­ییب سن گره­ک پیاده دولاناسن؟

او کیشی دئمیشدی "بیزدن دیرکی بیزه دیر".

    ناپلئون بوناپارت1769-جي ميلادي ايلينده (كرس)آدا­سيندا بيركولفتلي عاييله­ده دوني ايا گؤزآچدي.او بالاجا بويوايله بؤيوك ديله يي وارايدي.كيچيك ياشيندان عسگرليك ايشينه گيريشيب و24ياشيندا بيرآدليم پولكوونيك اولدو و چوخ تئزبيرباجاريقلي گئنرال ودوشونه جك­لي سيياست­چي اولدو.اوفيرانسا دئوريميندن سونرا اوستونلوك تاپيب ودئوريم باشچي­سي اولدو و ايلك سفرده ايتاليا اؤلكه سينه يوروش آپاردي و اوراني اوزاولوسونون يارديمي ايله اوتريشين اليندن چيخارتدي.اونون دؤيوشلرده اؤز باجاريقليغيندان  علاوه باريت­لي سيلاحلاريئرينه چاخماقي سيلاحلاريارديم اولدو.اوميصر،سوريه­ني اَله­كئچيرندن سونرا فيرانسيا قاييديب واؤزقارداشلاري ژوزف ولوسين­نين يارديم­ايلن پارلامئنتي داغيديب واؤزونو مملكتين ايمپئراتوري آدلانديردي.اوتاج قويماعنعنه­سينده تاجي پاپ اليندن آليب واؤزوباشيناقويدو.فيرانسا اؤلكه سي اسكي روم­دان بويانا بيرينجي وبؤيوك بيرايمپئراتوري اؤزونه گؤروردو.چوخ تئزدوزولوش وتهلوكه­سيزليگي مملكته قايتاريب وقيسا زاماندا اؤزديلك لريني ايشه سالدي. اومملكتي اوچ بؤلومده اوستان،اوجقاروشهرآدينا بؤلدو. باجاريقلي قوللوقچولارايش اوستونه گتيريب وهئچ زامان اؤزدؤوره­سين حوكومت ساحه­سينده دخالت وئرمه­دي دقيق­جه سينده ايندي­كي زامانين ترسه­سي!اوتجارت محدوديتلرين گؤتوروب وايلك سفرده فيرانسا بانكاسين ياپدي، اؤيرنمه وبسلمه كانتورو قوروب اوخوللار جورله دي واونلاري وبيليم يوردولاري دؤولت پاراسي ايله دولانديردي.اوشهريداره­سي وكئليسالارقوشوب واولوسونون ديني ايناملارينا سايغي قويدو وكئليسا حيمايتيندن فايدالاندي.او گون به گون اوستونلوك تاپيب آلمان،هولند،پورتاغال اؤلكه­سينده فيرانسايا ياپيشديردي.اوشورويه قوشون چكدي ومسكوشهرينه قدرگئتدي آما اورانين سويقلوغو اونو دالي قايتاريب وچوخلوعسگرلرالدن وئردي. اونون ان اؤنملي ايشلريندن بيريسي مملكته قايدا كئچيرمك اولدو نئجه­كي بوقايدا اؤزوايلن تامام وطنداشلارينين حاققي يئرينه چاتيب وسربست ياشاديلار و سونرالار تامام  مملكت­لرين قايدا كئچن لرينين قايناقي اولدو. اوايران اؤلكه سينين باشچي­سي فتحعلي شاهينان بيرباغلاشما باغلادي ­كي ايران تورپاقيندا هينداؤلكه­سينه قوشون چكسين بودا قافقازاؤلكه سين گورجوستان اليندن آليب ايرانا قايتارسين آما چوخ تئز سؤزونون آلتيندان ويردي  و باشاوئرمه­دي. اونون بؤيوك دوشمني اينگيليتره­ايدي كيمسه­ني ناپئلون ييخيردي اونلارينان يولداشليق ساليب ال بيراولوردو و هم­ده اونون زورون آزالداندا اينگيليتره اولدو نئجه كي ناپئلئون اورا يوروش آپاراندا اينگيليتره­نين دنيزقووه­لريندن اوتوزوب 20گميسي بوغولدو وفيرانسيا  قاييتدي.علاوه بوندان تامام اوتوزموش مملكت­لراينگيليتره­ايلن ال- بيراولوب ناپئلئونوايشدن سالديلارواونو سينديراندان  سونرا(آلب)آداسينا سورگون ائتديلر.او اوردان قاچيب وفيرانسادا يئني­دن اوستونلوك تاپيب آما 100گون سونرا بيرداها سينديراندان سونرا اطلس اوكئانين بيرايتگين آداسي (سنت هلنَ)سورگون ائتديلر.او اوردا قاليب قورساق ناخوشلوقونا دوشدو و بيرآزدا سيچان داواسي اونون خسته­لوقونا آرتيب آغي­لادي سون باش عؤموراولدوزوسؤندوودونيادان گؤزونو يومدو.

او كيشي دئميشدي،بيريني قارغيش ائله­ينده دئمه سني گؤروم چپر آلتيندا،ماشين آلتيندا،...آلتيندا قالاسان دئنن سني گؤروم ايشين شهريداريلارا دوشسون.آما من دئييرم يازيقدي اوندا بير يوللوق اولار. دئيين سني گؤروم ايشين بانكلارا د وشسون. قارداشيم عرض ائلييم يولوزدوشمزاينشاا... يولوم دوشدو بيربانكا  نه بانك ائله بيل تؤپ مئيدانيده يوخسا كاخ اعليحضرته اوخشاييردي، اوردان بيرآز پارا آليب بيرآيري بانكا آپارمالي­ايديم "اوزومون دئييلدي­ها بورجودو"هله بير20دقيقه هنده­ورينده ايچَريده گيجللنديم آخير بيريندن سوروشدوم آزلاردا آخيرآدام كيمدي دئديلر بورا چؤرك­چي خانا دئييل گئت صفين آخيرينه.منده بو واختدان فايدالانيب بيراويان-­ بويانا باخيرديم. 20-30كارمنددن 1-2نفرهامينين ايشين يولا ساليردي آللاه ايشلرين راس گتيرسين اونلار اولماسايدي نه­اولاردي.اوبيريسي­لرده بئكار دئييلدي­ها،ددد دد ددد – ددد دد ددد يوخ هله قاتماميشام  فونتولاردا قاتيشماييب بو بيردانا ويز(sms)ايدي گلدي رئيسه،اوزونون رنگيندن اؤخودوم­كي خانيم يئرآلما- سوغان،اَت ... تاپشيريب. دررررر- دررررر  گؤزلريزه اَل ويرمايين دوز گؤروسوز،بودا موعاوينين تئلئفونودوچالدي،بير40دقيقه دانيشاندان سونرااونوندا اوزونون رنگيندن اؤخودوم­كي آداخلي دئيير بيرآزتئز گَل ائوه قوناقلارايندي گلر.اوبيريسي­لرده گيم­دن،درگيدن،قزئته­دن فايدالانيرديلار آللاها خوش گئتمز دئسم بئكاراوتورموشدولار.ائله بو فيكيرده منيمده نووبتيم يئتيريب بيرآز  جيريخ- ميريخ پارا وئرديلر گئتديم اوبيريسي بانكا.ائله بورادا اونا تاي بيريئريده .بيرآز نووبته دوراندان سونرا پوللاري وئرديم گوردوم بو ائله­بيل چؤرك ياپير5-10كره پوللاري چيپدي ميزه- دووارا سالدي پول سايار ماشينينا اونودا هربسته­ني 5كره ساياندان سونرا گئنه اوره­يي فيتوا وئرمه­ييب الينن سايدي.قورتاراجاق بونلاري بير- بير باندلارين جيريب اوز بانكلارينين بانديني باغلادي"تئلويزيوندا بس دئييل پوللارا دا آدلارين ياپيشديريلار"ايشيم يوخ هله اونلارهربيريسي پول توتوب، آخي من يازيقين اياخلارين آلتيندا يونجا بيتتدي دورماقدان،اوندان علاوه سو- برق قبيض­لريميده آلماديلارگره­ك گئدم بيرآيري بانكا.آخي آدام درديني كيمه دئسين.قديم­لردئييرديلردردبير- ايكي اولسا چكمه­يه نه­وار آما من دئييرم دردين سايي- حئسابي اولساچكمه­يه نه­وار اوردان چيخيب گئديم بير شهريداريه دا اوردان دئسم گوزلريزدن ياش گلر قالسين.